राते काइँला बन्ने भए ‘शेर बहादुर’ थापा
राते काइँला उर्फ कलाकार सुनिल थापा अब शेर बहादुर थापा बन्ने भएका छन् । फिल्म ‘शेर बहादुर’ मा सुनिल धरानका भुपु गोर्खा सैनिकको भूमिकामा प्रस्तुत हुन लागेका हुन् । राज राजवंशीको निर्देशन रहने फिल्ममा कलाकारहरु कर्म, मेनुका प्रधान र रविन्द्र झा पनि मुख्य भूमिकामा प्रस्तुत भएका छन् ।
यसअघि फिल्म नारी निर्देशन गरेका आर राजवंशीले फिल्म शेर बहादुर निर्देशन गर्नेछन् । फिल्ममा सुनिल थापा भुपु गोर्खा सैनिक, रविन्द्र झा विहारी, कर्म र मेनुका प्रेम जोडीको भूमिकामा प्रस्तुत हुनेछन् भने कलाकार जान्वी बोहोरा लगायत कलाकारहरुको पनि फिल्ममा अभिनय रहनेछ । मंगलबारदेखि राजधानीबाट छायाँकन सुरु हुने फिल्मको आधा भन्दा बढी भाग धरानमा छायाँकन हुनेछ ।
‘जात्रा’ निर्देशक प्रदीप भट्टराई क्रियटिभ डिरेक्टरको रुपमा रहेका छन् । शेरबहादुरमा गौरी शंकर धुजु र धिरज राजवंशीको संयुक्त लगानी छ । निर्देशक राजवंशीले फिल्म कमर्सियल नभएको बताए ।
