‘कोहलपुर एक्सप्रेस’ को प्रोमो ११ औं पटकमा यस्तो बन्यो
नायिका केकी अधिकारीले निर्माण गरेको फिल्म ‘कोहलपुर एक्सप्रेस’ को प्रोमो सार्वजनिक गरिएको छ । निर्देशक विशाल भण्डारीका अनुसार फिल्मको प्रोमो ११ औं पटकमा पक्का गरिएको हो । झण्डै तीन मिनेटको प्रोमो यस्तो बनेको छ हेर्नुस् :
कमेडी जनराको ‘कोहलपुर एक्सप्रेस’ मा केकी सहित नायिका प्रियंका कार्की, ऋचा शर्मा, कलाकारहरु बुद्धि तामांग, रविन्द्र झा, बिनोद न्यौपाने, बाल कलाकार कुशाग्र भट्टराई लगायतको अभिनय रहेको छ । बुधबार गरिएको प्रेसमिटमा कोहलपुर एक्सप्रेस पूर्ण रुपमा रमाईलो बनेको निर्देशक भण्डारीले बताए । केकीले फिल्म राम्रो बनाउने प्रयास गरेको बताइन् । प्रियंका र ऋचा अरु फिल्मको छायाँकनबाट प्रोमो लञ्चमा सहभागी भएका थिए ।
बैशाख १४ गतेबाट प्रदर्शनमा आउने कोहलपुर एक्सप्रेस निर्माणमा भद्र बहादुर भुजेल, देवीलाल न्यौपाने र शिव प्रसाद चौंलागाईंले केकीसँग सहकार्य गरेका छन् ।
