ऋचालाई केकीले बनाइन् तिर्सना बुढाथोकी !
मोडल तथा गायिका तिर्सन बुढाथोकी सामाजिक सञ्जाल, विशेषगरी युट्युवमा हिट छिन् । आफ्नै हट भिडियो र बोल्ने हाउभाउका कारण तिर्सनाको चर्चा र आलोचना हुने गर्दछ । अन्र्तवार्तामा प्रश्नकर्तासँगै झगड गरेर उनी बेलाबेलामा विवादमा आँछिन् । भिडियो हेर्नुस् :
हाल अमेरिकामा रहेकी तिर्सनको उक्त फन्नी क्यारेक्टर लाई अब फिल्ममा पनि देख्न पाइने भएको छ । केकी अधिकारीले निर्माण गरेको ‘कोलपुर एक्सप्रेस’ मा नायिका ऋचा शर्माले उक्त विवादित मोडल तिर्सनको भूमिका निभाएकी छिन् । ‘म तिर्सना बुढाथोकी चाहिं होइन है’, प्रेसमिटमा ऋचाले भनिन्, ‘जे होस् क्यारेक्टर चाहिं लाउड र चटपटा छ ।’
उसो त क्यारेक्टरलाई दुरुस्तै बनाउन केही दिन युट्युवमा तिर्सनाको भिडियो हेरेको समेत ऋचाले खुलाइन् । ‘केकीको टिमले आग्रह गरेपछि मैंले उक्त भूमिका गर्न तयार भएकी हुँ’, ऋचाले भनिन् । ‘अरु कतैबाट आएको भए सायद म गर्दिंनथे होला’, ऋचाले थपिन् ।
बैशाख १४ गतेदेखि प्रदर्शनमा आउने फिल्ममा केकी, ऋचा र प्रियंका मुख्य भूमिकामा प्रस्तुत भएका छन् । निर्देशक विशाल भण्डारीकै कथा रहेको फिल्मलाई शान बस्न्यातले लेखेका हुन् । ‘कोहलपुर एक्सप्रेस’को प्रोमो हेर्नुस् :