उत्सुकता जगाउने ‘म यस्तो गीत गाउँछु’ को यस्तो पोस्टर
गीत, संगीत र प्रोमो पछि फिल्म ‘म यस्तो गीत गाउँछु’ को अफिसियल पोस्टर सार्वजनिक गरिएको छ । सार्वजनिक पोस्टरहरुमा फिल्मका मुख्य दुई पात्रहरु पल शाह र पूजा शर्मा विभिन्न रुपमा प्रस्तुत भएका छन् । विभिन्न रोमान्टिक पोजमा प्रस्तुत भएका उनीहरुको हातमा हथकडी समेत लगाइएको छ । पूजासँग गरिएको रमाइलो कुराकानी हेनुस् :
हथकडी लगाइएको पोस्टर सार्वजनिक भएसँगै सुदर्शन थापा निर्देशित फिल्म ‘म यस्तो गीत गाउँछु’ प्रति थप उत्सुकता सृजना भएको छ । अर्जुन पोखरेलको संगीत रहेको ‘भन्छु आज मनका कुरा’ गीतलाई दर्शक तथा श्रोताले अत्याधिक रुचाइ रहेका छन् । प्रोमो सहित फिल्मका अन्य गीत तथा संगीतले पनि दर्शकको ध्यान तानिरहेको छ ।
असार ३० गतेदेखि अल नेपाल प्रदर्शनमा आउने फिल्म म यस्तो गीत गाउँछु प्रति आफुले धेरै नै अपेक्षा राखेको निर्माता समेत रहेका निर्देशक थापाले बताएका छन् । निर्देशक थापा भन्छन्, ‘मेरो एउटा साथी छ र प्रेम गीत जस्तै म यस्तो गीत गाउँछु लाई पनि दर्शकको माया मिल्नेछ भन्ने मलाई पूर्ण विश्वास छ ।’ फिल्ममा सरोज खनाल, रुपा राणा जस्ता अग्रज कलाकारहरुको पनि अभिनय रहेको छ ।
