२४ बर्षका भए ‘क्याप्टेन’
‘क्याप्टेन’ अर्थात् युवा स्टार अनमोल केसी २४ वर्षमा प्रवेश गरेका छन् । चैत १६ देखि अनमोल २३ पुरा भएर २४ वर्षमा प्रवेश गरेको पिता भुवन केसीले बताए । अनमोल हाल होम प्रोडक्सनको फिल्म क्याप्टेन को प्रि-प्रोडक्सनमा व्यस्त छन् ।
‘होस्टेल’ डेव्यु अनमोल युवा पुस्ताका सर्वाधिक चर्चामा रहेका नायक हुन् । उनको क्रेज विशेषतः टिनएज माझ बढी छ । ‘होस्टेल’पछि ‘जेरी’, ‘ड्रिम्स’, ‘गाजलु’ र ‘कृ’ मार्फत दर्शकमाझ हिरो बनेर आएका अनमोल होम प्रोडक्सनको फिल्म म त तिम्रै हुँ मा अतिथि भूमिकामा प्रस्तुत भएका छन् । अनमोललाई जन्मदिनको शुभकामना !
