केकीलाई टेन्सन नै टेन्सन तरपनि हुन्नन् फेन्ट !
फिल्म बनाएपछि कति टेन्सन हुन्छ ? नायिका केकी अधिकारीलाई सोध्नुस् । निर्माता हुँदाको पिडा केकीले प्रेसमिटमै पोखिन् । झण्डै एक दशकको अभिनय यात्रा पछि केकीले ‘कोहलपुर एक्सप्रेस बनाएकी छन् ।
फिल्म बनाउँदा बेहोस नै हुने पिडा भएको केकीले कोहलपुर एक्सप्रेसको प्रोमो लञ्चमा खुलाइन् । ‘जात्रा’ फिल्मको डायलग सम्झिदै केकीले भनिन्, ‘यत्रो टेन्सन हुँदा पनि म फेन्ट चाहिं किन हुन्न ?’ केकीले पहिलो पटक आफ्नै लगानी र सक्रियतामा फिल्म ‘कोहलपुर एक्सप्रेस’ बनाएकी हुन् ।
बैशाख १४ गतेलाई ‘कोहलपुर एक्सप्रेस’ को प्रदर्शन मिति तय गर्दै टिम प्रचार प्रसार सुरु गरेको छ । विशाल भण्डारी निर्देशित फिल्ममा केकी सहित प्रियंका कार्की, ऋचा शर्मा, विनोद न्यौपाने लगायतको अभिनय छ ।