सबै कलाकार राखेर ‘हैरान’ पोस्टर रिलिज
विश्वका कान्छा निर्देशक सौगात विष्टले निर्देशन गरेको दोश्रो फल्म ’हैरान’ को फस्टलुक सार्वजनिक गरिएको छ । सार्वजनिक पोष्टरमा फिल्मको सम्पूर्ण पात्रको लुक्स र फिल्मको थिमलाई झल्काइको छ । पहिलो फिल्म पारिवारीक प्रेम कथा बनाएका सौगातले दोश्रो फिल्म हैरान कमेडी जनराको बनाएको बताए ।
मंगलबार आयोजना गरिएको प्रेसमिटमा वरिष्ठ पत्रकार शान्तिप्रिय, अभिनेता सरोज खनाल र फिल्मको टिमले संयुक्त रुपमा पोष्टर सार्वजनिक गरेका थिए । वरिष्ठ हास्यकलाकार मदनकृष्ण श्रेष्ठकी पत्नी यशोदा सुबेदी श्रेष्ठको निधन प्रति शोक व्यक्त गर्दै सुरु गरिएको कार्यक्रममा फिल्मका कलाकारहरु सरोज खनालसँगै सत्यराज आचार्य, गजित विष्ट , सागर लम्साल ’बले’ , निश्मा घिमिरे , निर्मल शर्मा , आरोही शर्मा , एन्जल राई , पुस्कर रेग्मी लगायत उपस्थित थिए ।
फिल्ममा बुद्धि तामाङ, वसिम राजाको पनि अभिनय रहेको छ । डान्स फेभरको ब्यानरमा निर्मित फिल्ममा मुक्ति घले , सृष्टि घिमिरे, डाक्टर वाई एल लामा निर्माता रहेका छन् भने सम्झना पोखरेल कार्यकारी निर्मात्री रहेकी छिन । फिल्ममा कथा तथा कोरियोग्राफी गम्भीर बिस्ट , द्वन्द चन्द्र पन्त , संगीत सत्यराज आचार्य, स्वरूपराज आचार्य ,किरण कडेल , राजन इशान र सन्तोष श्रेष्ठ रहेका छन् ।
फिल्ममा नवराज उप्रेती र निरज कडेलको छायाँकन, अमित श्रेष्ठको मिक्सिङ र ब्याक ग्राउण्ड स्कोर, अनन्त घिमिरेको कलर र भीएफएक्स , प्रितम पाण्डेको सम्पादन रहेको छ ।