यस्तो बन्यो खगेन्द्रको ‘डमरुको डन्डीबियो’ को ट्रेलर
अभिनेता खगेन्द्र लामिछानेको शिर्ष भूमिका रहेको फिल्म ‘डमरुको डन्डीबियो’ को ट्रेलर सार्वजनिक भएको छ । नेपालको पुर्व राष्ट्रिय खेल डण्डीबियोमा आधारित ‘फ्यामिली स्पोर्ट ड्रामा’ लाई छेतेन गुरुङले निर्देशन गरेका हुन् । ट्रेलर :
फिल्ममा खगेन्द्रसँगै मेनुका प्रधान, बुद्दी तामाङ, अनुप बराल, अंकित खड्का, आशान्त शर्मा, लक्ष्मी बर्देवा, मिश्री थापा, इंगि होपू कोइंच सुनवार, नमिता घिसिङ लगायतका कलाकारको अभिनय छ । राजधानीका केहि स्थानमा चलिरहेको ‘ठ्याक लाउने च्यालेन्ज’ ले फिल्मको प्रचार र डन्डीबियो महत्व झल्काउने निर्माण टिमले विश्वास लिएको छ । सिनेमा आगामी बैशाख २१ गतेबाट सार्वजनिक प्रदर्शनमा आउँदैछ ।
समृद्दी इन्टरटेनमेन्टको व्यनरमा निर्माण भएको फिल्ममा नोर्बु छिरिङ घले र विनोद गुरुङको संयुक्त लगानी रहेको छ । सिनेमामा खगेन्द्र लामिछानेको लेखन, हरि हुमागाईंको छायाँकन, निमेष श्रेष्ठ र प्रितम पाण्डेको सम्पादन रहेको छ ।
