दिपकराज अवार्डमा सहभागी नहुने तर…

कलाकार, स्क्रिप्ट राइटर तथा निर्माता दिपकराज गिरीले कुनै पनि अवार्ड समारोहमा आफ्नो सहभागीत नरहने घोषणा गरेका छन् । बुधबार बिहान सामाजिक सञ्जाल फेसबुकमा स्टाटस लेख्दै दिपकले यस्तो निर्णय लिएका हुन् । स्टाटस यस्तो छ :

‘स्वीकारोक्ति …..
पछिल्लो समय अवार्ड कार्यक्रममा जानु र कार्यक्रमलाइ बिचमै छाड्नुलाइ धेरै साथिहरूले म अवार्डको लोभि भएको , आफूले नै अवार्ड पाउनु पर्ने मान्यता भएको ब्यक्ति रहेको रूपमा ब्याख्या गरेको थाहा भयो.. जबकि मिलेमतो र आफ्ना प्रियजन लाइ बॉडिने त्यस्ता अवार्डको बिरोध मात्रै थियो त्यो…
तर जो नेता , अभिनेता जनताको सल्लाह मान्दैन त्यस्को चॉढै बिंदाइ हुन्छ… मलाइ फेसबुकमा थुप्रै साथिहरूले यस्ता अवार्डको कुरै नगरी भबिष्यमा पनि लोकप्रिय चलचित्र निर्माणमा मात्रै ध्यान दिनु भन्ने अमूल्य सूझाब दिनु भएकोले म त्यो सल्लाहको उच्च कदर गर्दै ….

आज देखि कुनै पनि अवार्ड समारोहमा सहभागि नभइ निरन्तर चलचित्र निर्माणमा मात्रै ध्यान दिने ब्यक्तिगत निर्णय गरेको जानकारी गराउछू…मेरा अभिव्यक्ति वा कृ्याकलापले यस भन्दा अगाडि कसैलाइ
ठेस पुगेको भए यसै अभिव्यक्ति बाट माफि पनि माग्दैछू…!!!
जय सिनेमा, जय नेपाल !!!!’

यो तपाईंको एकल निर्णय हो कि सामुहिक ? भन्ने प्रश्नमा दिपकले भने, ‘यो मेरो एकल निर्णय हो । म अवार्डमा मात्रै असहभागी हुने हुँ । बाँकी टिम र फिल्मको चाहिं सहभागी हुनेछ ।’ सम्पन्न एनएफडिसी अवार्ड समारोहबाट दिपक र दिपाको टिम उठेर हिंडेपछि फिल्मी वृत्तमा विभिन्न खाले विश्लेषण भैरहेको छ ।