‘शत्रुगते’ लिएर जापान पुगे पल, सबै शो शोल्ड आउट !
फिल्म ‘शत्रुगते’ लिएर नायक पल शाह जापान पुगेका छन् । आइतबार नाकानो जरो हलमा हुने शोका लागि पल शनिबार जापान पुगेका हुन् । एवान इन्टरटेन्मेन्टका सदस्यले पललाई एअरपोर्टमा स्वागत गरे ।
नेपालमा सफलतापुर्व प्रदर्शन भैरहेको फिल्म ’शत्रु गते’ आइतबार टोकियोस्थित नाकानो जिरो हलमा प्रदर्शन हुँदैछ । जापानभर फिल्म प्रदर्शनको जिम्मा लिएको एवान इन्टरटेन्मेन्टले पनि सम्पूर्ण तयारी पुरा भएको बताएको छ ।
निर्देशक कृष्ण लामाले टोकियो बाहिरबाट पनि धेरै टिकट बुकिङका भएकाले शो हाउसफुल हुने विश्वास व्यक्त गरे । टोकियोपछि ‘शत्रु गते’ नागोया, फुकुओका, सिजुओका, गुन्मा, तोचिगी, ओकिनावा लगायत शहरहरुमा प्रदर्शन हुने निर्देशक लामाले बताएका छन् । पल र आँचलसँग गरिएको रमाईलो कुराकानी हेर्नुस् :
प्रदीप भट्टराई निर्देशित शत्रुगते मा हरिवंश आचार्य, मदनकृष्ण श्रेष्ठ, दिपकराज गिरी, दिपाश्री निरौला, प्रियंका कार्की, पल शाह, आँचल शर्मा लगायत कलाकारहरुको मुख्य भूमिका रहेको छ । शत्रुगते यस वर्षको सुपरहिट फिल्ममा दहरिएको छ ।