‘तिमी सँग’ को सन्तोषजनका सुरुवात
सकसपूर्ण प्रदर्शनका बावजुद फिल्म ‘तिमी सँग’ ले सुखद सुरुवाती व्यापार गर्न सफल भएको छ । साम्राज्ञीराज्य लक्ष्मी शाह, आकाश श्रेष्ठ र नाजिर हुसेन अभिनित यस फिल्मले चार दिनमा ८० लाख बढीको ग्रस कलेक्सन गर्न सफल भएको छ । जुन कलेक्सन सन्तोषजनक हो ।
न्युन हल र शो संख्याका बाबजुद पनि ‘तिमी सँग’ ले गरेको उक्त कलेक्सन निराशजन नरहेको वितरक गोपालकाजी कायस्थ बताउँछन् । ‘यसलाई हामीले सुखद नै मान्नुपर्छ । दुई राम्रा फिल्म प्रदर्शन हुँदा पनि तिमी सँग ले गरेको व्यापार राम्रो हो’, वितरक कायस्थ भन्छन् । ‘तिमी सँग’ लाई विशेषगरी मल्टीस्टारर फिल्म ‘शत्रुगते’ र टाइगर श्राफको ‘बागी २’ बाधक बने ।
फिल्मले दर्शकलाई हलसम्म तान्न सफल भएपछि यसका निर्माता, निर्देशक तथा लेखक शिशिर राणा यतिबेला दंग छन् । एक करोड बढी लगानी रहेको फिल्मले नेपालबाट लगानी रिकभर गर्नेमा भने अझै ढुक्क हुने अवस्था छैन । साम्राज्ञी र आकाशसँग गरिएको रमाईलो कुराकानी हेर्नुस् :
