मलिना जहाँ मनिष त्यहाँ (रोमान्टिक गीत रिलिज)
असार ८ गतेलाई प्रदर्शन तय गर्दै फिल्म ‘तिमी हुन्छौं जहाँ जहाँ’ को रोमान्टिक गीत रिलिज गरिएको छ । मुस्ताङको सुन्दर दृश्यमा छायाँकन गरिएको हर शास मा बोलको गीतमा नायिका मलिना जोशी र नायक मनिष सुन्दर श्रेष्ठ फिचरिङ छन् । भिडियो हेर्नुस् :
अर्जुन पोखरेलको संगीत रहेको गीतमा अञ्जु पन्त र फिरोज बस्नेतको स्वर छ । शब्द देवल भण्डारीको छ । रामशरण उप्रेतीको छायाँकन रहेको गीतमा कविराज गहतराजको कोरियोग्राफी छ । मंगलबार प्रेसमिट गर्दै फिल्मको पहिलो गीत सार्वजनिक गरिएको हो ।
विकाश बस्यालको डेव्यु निर्देशन रहेको फिल्म ‘तिमी छौ जहाँ जहाँ’ मा मदन दवाडी, डालचन्द्र दवाडी र हरी प्रसाद अधिकारीको संयुक्त लगानी रहेको छ । फिल्ममा मलिना र मनिष सँगै नायिका बर्षा सिवाकोटी, स्वरुप पुरुष ढकालको अभिनय छ ।
