‘शत्रुगते’ निर्देशक को ‘जात्रै जात्रा’, विपिन र बर्षा पक्का
तेश्रो सातामा शानदार रुपमा चलिरहेको फिल्म ‘शत्रुगते’ का निर्देशक प्रदीप भट्टराईले नयाँ प्रोजेक्ट घोषणा गरेका छन् । डेव्यु फिल्म जात्रा को सिक्वेलको रुपमा निर्देशक भट्टराईले ‘जात्रै जात्रा’ निर्देशनको घोषणा गरेका हुन् ।
‘जात्रै जात्रा’ मा जात्रा का मुख्य कलाकारहरु विपिन कार्की, रविन्द्र झा, रविन्द्रसिंह बाँनिया र बर्षा राउत दोहोरिनेछन् । केही नयाँ कलाकार पनि थपिने स्क्रिप्ट राईटर समेत रहेका भट्टराईले बताए । रविन्द्रसिंह बानियाँको कार्यकारी निर्माण रहने फिल्ममा सिङ्गे लामा र यादव पौडेल निर्माताको रुपमा रहनेछन् ।
हाल स्क्रिस्टिङ भैरहेको फिल्मको असारको अन्त्यदेखि छायाँकन सुरु हुनेछ । ‘जात्रै जात्रा’को रिलिज भने फागुन १७ गतेलाई तोकिएको छ ।
