क्षमा माग्दै आयो ‘जय भोले’ को टिजर
निर्देशक अशोक शर्माको कमब्याक फिल्म ‘जय भोले’ को टिजर सार्वजनिक भएको छ । आउँदो सालाको दशैंलाई प्रदर्शन मिति तोक्दै फिल्मको प्रोमो सार्वजनिक गरिएको हो । टिजर हेर्नुस् :
टिजरको सुरुमै अमेरिकी राष्ट्रपति डोनाल्ड ट्रम्प र प्रथम महिला मेलानिया, सैफ अली खान र करिना कपुर, महानायक राजेश हमाल र मधु भट्टराई हमालप्रति क्षमा मागिएको छ । ह्युमर तथा सोसल कमेडी जय भोले मा खगेन्द्र लामिछाने, सौगात मल्ल, स्वस्तिमा खड्का, सलोन बस्नेत, राजाराज पौडेल लगायतका कलाकारको मुख्य भूमिका छ । आगामी दशैंको फूलपातीमा रिलिज हुने सिनेमाले दुई केटा साथीबिचको भावनात्मक मित्रता र प्रेमको कथा भन्छ ।
फिल्ममा खगेन्द्र लामिछानेको पटकथा, पुरुषोत्तम प्रधानको छायाँकन, राजनराज सिवाकोटीरकल्याण सिंहको संगीत, राज ढुंगानाको सम्पादन, बसन्त श्रेष्ठको नृत्य र रोशनविक्रम भट्टराईको एक्सन रहेको छ ।
