नयाँ वर्षमा ३ फिल्म, ‘कारखाना’ १ नम्वरमा
२०७५ को अवसर पारेर युट्युवमा तीन नेपाल फिल्महरु अपलोड गरिएको छ । गत साल प्रदर्शनमा आएको ‘पुरानो डुंगा’ र यसै वर्षका ‘कारखाना’ र ‘पर्व’ लाई युट्युवमा सार्वजनिक गरिएको हो । सुशिल श्रेष्ठ र बर्षा सिवाकोटी स्टारर कारखाना रिलिज भएको एक दिनमै युट्युव ट्रेन्डिङको पहिलो स्थानमा छ । ‘कारखाना’ हेर्नुस् :
अमरदीप सापकोटा निर्देशित फिल्म ‘कारखाना’ भाडाकी आमाको विषयमा आधारित छ । फिल्ममा सुशिल र बर्षासँगै अभिनेत्री मौसमी मल्ल, नविन लम्साल, जेविका कार्की लगायतको अभिनय छ । फिल्मको मायाले बोलेको बोली मिठो भो गीत हिट भएको थियो । ‘पुरानो डुंगा’ हेर्नुस् :
‘ए निर’ जस्तो सुपरहिट गीत भएको फिल्म ‘पुरानो डुंगा’ यतिबेला युट्युव ट्रेन्डिङको चौथो स्थानमा छ । रामबाबु गरुङ निर्देशित फिल्ममा दयाहाङ राई, प्रियंका कार्की, माओत्से गुरुङ, मेनुका प्रधान र बुद्धि तामाङको मुख्य भूमिका छ । ‘पर्व’ हेर्नुस् :
यस्तै ‘काले दाई काले’ दाई गीत समावेश पर्व फिल्ममा नायिका नम्रता श्रेष्ठ र नायक कोशिस क्षेत्रीको मुख्य भूमिका छ । सुवास गिरी र निकिता पौडेले निर्मित फिल्म नम्रता र कोशिससँगै माला लिम्बु, जेविका कार्की, केशव भट्टराई लगायतको अभिनय छ ।
