‘नेप्टे’ को शो शुक्रबार क्यान्सिल, शनिबार हाउसफूल !
दयाहाङ राई स्टारर फिल्म ‘नेप्टे’ को शुक्रबार बिहान केही हलहरुमा शो क्यान्सिल भएको थियो । बैशाख १ गते, शनिबार भने फिल्मले दर्शकलाई तान्न सफल भएको छ । फिल्मको केही शो त हाउसफूल नै भएको निर्माता तथा कलाकार रोहित रुम्बाले बताएका छन् ।
‘नेप्टे’ले शनिबार हाउसफूलको व्यापार गरेको रोहितको दाबी छ । रोहित र कलाकार बुद्धि तामाङ दर्शक प्रतिक्रिया बुझ्न हल पुगेका थिए । निकै कम हल पाएको ‘नेप्टे’ले मल्टीप्लेक्समा शो पाएपनि दर्शक टिकट भने काटेका छैनन् ।
‘शत्रुगते’ र ‘लिलिबिली’ को चेपुवामा पर्दा ‘नेप्टे’ मारमा पर्न गयो । देव कुमार श्रेष्ठ निर्देशित फिल्ममा दया, बुद्धि र निर्माता रुम्बा सहित छुल्ठिम गुरुङ, पूर्णिमा लामा लगायत कलाकारहरुको अभिनय छ ।
