फेरी सर्यो ऋचा सिंह ठकुरीको ‘सुपर गोर्खे’
फिल्म ‘सुपर गोर्खे’ बैशाख ७ गते प्रदर्शनबाट पनि सरेको छ । यो मितिबाट सरेर फिल्म जेठ २५ मा पुगेको छ । पारिवारिक तथा प्राविधिक कारणले फिल्मको रिलिज मिति बारम्बार सार्नु परेको निर्माता तथा निर्देशक गजेन्द्रराज थापाले बताए ।
नायिका ऋचा सिंह ठकुरीले बनाएको ‘सुपर गोर्खे’ मा ऋचासँगै सुरजसिंह ठकुरी, निराज लुईंटेल, भुपेन्द्र क्षेत्री लगायत कलाकारहरुको अभिनय छ । किरण माइकलको लेखन रहेको फिल्ममा राज थापाको कथा छ । समाजका खराब व्यक्तिलाई सुपर गोर्खे बनेर तह लगाउने कथामा फिल्म आधारित छ । निर्माता तथा निर्देशक थापा यतिबेला अष्ट्रेलियामा छन् । उनी त्यहाँ फिल्म देखाउने व्यवस्था मिलाउँदैछन् ।
