लड्न लागिन् साम्राज्ञी समाउने कसले ?
भदौ ८ गतेलाई प्रदर्शन मिति तोकिएको फिल्म ‘तिमी सँग’ को पहिलो गीति भिडियो रिलिज गरिएको छ । टिजर पछि रिलिज गरिएको ‘लडें लडें समाउ मलाई’ बोलको गीतमा नायिका साम्राज्ञी राज्य लक्ष्मी शाह, नायक आकाश श्रेष्ठ, कलाकार तथा निर्देशक शिशिर राणा फिचरिङ छन् । नरेश भट्टराईको शब्द, राहुल मुखर्जीको संगीत रहेको गीतमा मधुरा भट्टचार्यको स्वर छ । कविराज गहतराजको कोरियोग्राफी रहेको भिडियो यस्तो छ :
युवा पुस्ताको मित्रता र प्रेम कथामा बनेको फिल्म तिमी सँग मा साम्राज्ञी र आकाशसँगै नाजिर हुसेनको मुख्य भूमिका रहेको छ । फिल्मका लेखक, निर्माता तथा निर्देशक शिशिर राणा नै हुन् ।
