शिल्पा बन्ने भइन ‘वीरङ्गना’, अनुप र पृथ्वीसँग जोडी बाँध्ने
नायिका शिल्पा पोखरेल शिर्ष भूमिकामा रहने गरी फिल्म वीरङ्गना बन्ने भएको छ । राजबहादुर सानेको लेखन तथा निर्देशन रहने फिल्ममा शिल्पासँगै नायक अनुपविक्रम शाही, पृथ्वीराज प्रसाईं, धिरेन शाक्य, सुनिल दत्त पाण्डेको मुख्य भूमिका रहेनछ ।
असारको अन्तिम सातादेखि छायाँकन सुरु हुने फिल्म वीरङ्गनाको आइतबार शुभ मुर्हत गरियो । छायाँकन राजधानीमा मात्रै हुनेछ । मुर्हतमा शिल्पा प्रहरी पोशाकमा सहभागी भएकी थिइन् । फोर्थ आई मुभिजको ब्यानरमा बन्ने फिल्ममा बाबुराम दास, श्याम बहादुर थापा, रघु परियार निर्माताको रुपमा रहेका छन् ।
हरि घले लामाको छायाँकन रहने फिल्म वीरङ्गना मा दिपक शर्मा र पुरुषोत्तम न्यौपानेको संगीत रहनेछ । द्धन्द्ध निर्देशन श्रीकृष्ण श्रेष्ठ र कोरियोग्राफी कविराज गहतराजले गर्नेछन् ।
